Engelvis met Heuning, Soja en Gemmer

• Kooktyd 2–4 minute

’n Eenvoudige, vinnige resep wat wys hoe min jy eintlik nodig het om vars vis na iets besonders te lig.

Net die hoeveelhede verander. Kooktye bly dieselfde.

Wat jy nodig het

• Vars engelvis
• 1 knoffeltoon, fyngekap
• 1 klein gemmerknol, geskil en gerasper
• 1 teelepel gedroogde chillivlokkies
• 1 teelepel pienk peperkorrels, fyngedruk (of gewone swartpeper)
• 2 eetlepels sojasous
• Heuning, na smaak (ongeveer 2–3 eetlepels vir balans)
• Sap van ½ lemmetjie, vir ná die braai

So maak ons

1. Meng die knoffel, gemmer, chillivlokkies, peper, sojasous en heuning in ’n klein kastrol. Sit dit oor die kole of stoof en laat dit verdik vir sowat 5 minute tot stroperig.
2. Verf die vis goed met die warm marinade. Plaas die vis velkant onder oor warm kole.
3. Braai vir 2–4 minute, afhangend van die dikte. Moenie bekommer as die vel bietjie swart word nie, jy eet dit nie, en dit beskerm die vleis.
4. Draai die vis om en braai ongeveer 60 sekondes aan die vleiskant net om kleur te kry. Gee dit ’n laaste verfie met die oorblywende marinade.
5. Eindig af met die sap van ½ lemmetjie net voor opdiening. Bedien met witrys, geroosterde groente of eenvoudig met roosterkoek.