Vinnige Mosselpot

• Kooktyd sowat 15 minute

’n Vinnige romerige mosselpot met prei, spek en Dijon-mosterd, reg vir ’n weeksaand of ’n spontane braai.

Net die hoeveelhede verander. Kooktye bly dieselfde.

Wat jy nodig het

• 30 g botter
• 2–3 preie, fyn gekap
• Spek, fyn gekap
• 2 knoffelhuisies, fyn gekap
• Pietersielie
• 20 ml Dijon mosterd
• 150 ml witwyn
• 250 ml room
• Vars mossels, skoongemaak
• Vars pietersielie en suurlemoenwiggies om te bedien
• Vars roosterbrood

So maak ons

1. Verhit die botter in ’n groot pot en soteer die preie en spek tot sag. Voeg die knoffel, pietersielie en mosterd by en blus af met die witwyn.
2. Roer die room by, geur na smaak en laat prut vir 5 minute voordat jy die mossels insit.
3. Sit die deksel op en stoom vir 5–8 minute totdat die doppe oop is. Gooi dié weg wat toe bly.
4. Roer die mossels deur die romerige mosterdsous, strooi vars pietersielie oor en bedien dadelik met suurlemoenwiggies en vars roosterbrood.