Mosbolletjies

• Porsies 3–4 klein tot mediumgrootte brode
• Voorbereiding mos-mengsel 3–4 uur, deeg 4–5 uur of oornag rys
• Kooktyd 1 uur

Op die Weskus is mosbolletjies meer as net brood, dis herinnering: die smaak van somer se druiwe en die klank van knieende hande teen ’n houttafel.

Net die hoeveelhede verander. Kooktye bly dieselfde.

Wat jy nodig het

• Die mos-mengsel
• 500 ml vars, aktiewe druiwemos (kamertemperatuur)
• 2 koppies koekmeel
• Die deeg
• 2,5 kg koekmeel
• 250 g gesoute botter (kamertemperatuur)
• 2½ koppies suiker
• 7,5 ml sout
• 15 ml anysade
• Genoeg lou water of melk om ’n ferm deeg te vorm
• Om te verf
• 2 eiergele
• 1 teelepel suiker
• ’n Bietjie melk

So maak ons

1. Roer die 2 koppies meel by die druiwemos in tot ’n gladde, klontvrye mengsel. Skep dit in ’n glas- of plastiekhouer en bedek met kleefplastiek. Laat dit op ’n warm plek rys, ongeveer 3 tot 4 ure.
2. Meng die 2,5 kg meel, suiker, sout en anysade in ’n groot mengbak. Voeg die mos-mengsel by en dan genoeg lou water of melk om ’n stewige deeg te vorm.
3. Die geheim lê in die knieproses: die deeg moet lank en deeglik geknie word totdat dit heeltemal glad is en geen lugborrels bevat nie.
4. Plaas die deeg in ’n groot bak, bedek met kleefplastiek en laat dit op ’n warm plek rys vir 4 tot 5 uur, of oornag indien moontlik.
5. Wanneer die deeg mooi gerys het, druk dit liggies plat sonder om dit te knie. Smeer twee tot drie broodpanne goed met botter. Vorm met meelbestrooide hande klein bolletjies en pak hulle styf teen mekaar in die panne.
6. Klits twee eiergele saam met ’n teelepel suiker en ’n bietjie melk en verf die bokant van die mosbolletjies liggies. Laat die brode vir nog ’n paar minute rys.
7. Bak in ’n voorverhitte oond teen 180 °C vir presies 1 uur. Laat die brode effens afkoel voordat jy dit uitkeer. Bedien warm met dik lae plaasbotter.